Joan Pau Ferrè qu'é professor d'Occitan en Comenge. S'é animat pera volentat de transméter era sua passion dera cultura occitana e pirenenca naths joesis, qu'é tanben implicat ena cuelhuda e ena difusion deth patrimoni culturau immateriau deth Comenge e deth Coserans.
Ou'é atau eth autor d'uns quantis documentaris etnografics e que s'é tostemps interessat aras istuèras condadas (condes, legendas, colhonadas o simplas anecdotas) coma aths mots e aras fòrmas dera lenga occitana enaquala les ac condavan eras gents.
Eth Iengatge deths condes qu'é coma eth Iengatge deth còr: que parla nà totis. Lops, podoèras, hadas, innocents... personatges estacants que hèn arrider o que hèn pòur, que son totis aquiu mès en ame aquera pepita en mès: que parlan gascon ! Alavetz, se voletz descobrir eras suas aventuras enà partatjar-las après en ame eths vostis amics o eths que son pròishi, duberdetz aqueth libe de condes tot dret vengudis deth Coserans.